Feriis a “chilometri zero” a Pordenon

Par sintîsi ancjemò in feriis ancje se si è tornâts a cjase, la Compagnia di Arti e Mestieri di Pordenon e propon une esperience turistiche a “km 0”: il zîr citadin intal cuartîr di Rorai Capuccini, di riscuvierzi a nivel storic, industriâl e ambientâl. Par preseâ chestis particolaritâts, une part dal percors si fâs in barcje sul lât de Burida, in colaborazion cul grup Kayak Canoe Cordenons. La Compagnie, di decenis atente aes valencis ambientâls, e consee cun cheste cjaminade – vuidade e comentade di Bruna Braidotti – di tornâ a imparonâsi de versatilitât dal ambient citadin. Pes prenotazions: 0434 40115 o info@compagniadiartiemestieri.it. (A.I.) 24.08.22