“More than Jazz”: ultin conciert a Udin

Ultin apontament pe rassegne “Moris than Jazz” a Udin, che par dut l’Istât e à proponût concierts di artiscj nazionâi e internazionâi in varis lûcs dal centri. “Lost Songs” al è il titul de ultime serade, joibe ai 25 aes 9 e 30 di sere in Corte Morpurgo, dulà che al sarà protagonist il saxofonist furlan famôs in dute la Europe Francesco Bearzatti, cun il ghitarist Federico Casagrande. Doi che a sclarissin cence doprâ peraulis il rapuart alchemic tra musiciscj, traviers il recupar di “cjançons pierdudis”, riproponudis in maniere straordenarie, ma ancje misurade. (A.I.) 22.08.22