Dut esaurît a Vile Claricini pe presentazion dal libri fotografic “Uno scoglio chiamato Lampedusa”

Presentât a Vile Di Claricini di Butinins il libri fotografic: “Uno scoglio chiamato Lampedusa” di Sonia Fattori pes fotos e Marta Daneluzzi pai tescj, dôs furlanis che a àn decidût di fâ un progjet che al fasès justizie aes bielecis de isule di Lampedusa e che al esprimès la lôr ricognossince pe ospitalitât vude.
La serade e je stade vierte dal president de Fondazion Oldino Cernoia. Dopo e à tabajât l’assessôr ae culture dal Comun di Cividât, Angela Zappulla, che e à volût une vore che chest avigniment si tignìs inte zone di Cividât.
La serade daspò e je jentrade intal vîf cu la proiezion des fotos contignudis intal libri, acompagnade des musichis dal duet furlan Ombre Sonore (Giulio Cudicio e Fabio Vogrig), e la conte des dôs autoris de “lôr” Lampedusa. Sonia Fattori, che e va te isule dal 2015 e e à fat plui di 40 mil fotografiis, e à descrit il colp di fulmin che le à cjapade de prime volte che e je disbarcjade su chel toc di tiere intal Mediterani. (A.D.G.) – 01.09.2022