173
Teatri, danze, musiche, spetacui interatîfs e prestazions itinerantis par cinc dîs a Gardiscje, capitâl de ‘multimedialitât urbane’, ospitant la ultime tape dal festival “In\Visible Cities”, che dai 7 ai 11 di Setembar si davuelzarà in stradis, placis, zardins, curtîi e teatris, acompagnant il public ae scuvierte dai lengaçs artistics contemporanis. La prime zornade e sarà dute dedicade al rapuart fra art e sience, ae lôr capacitât di comunicâ e di fondisi par cirî di esplorâ temis simpri plui impuartants, tant che il cambiament climatic. In program une mostre, un spetacul di danze contemporanie e un conciert multimediâl ispirât ai sunôrs dai oceans. (A.I.) – 06.09.2022
