Lis ‘aghis internis’ a son ancje un patrimoni culturâl

Il studi archeologjic di flums, lâts e bacins artificiâi al è al centri dal prin workshop par un inzornament de Cjarte di Udin pe archeologjie subacuie, ai 8 e ai 9 di Setembar, inte aule Pasolini dal Palaç di Toppo Wassermann a Udin. L’incuintri, cul titul “Patrimonio culturale e acque interne” (Patrimoni culturâl e aghis internis, organizât de Universitât di Udin e de Sorintendence nazionâl pal patrimoni culturâl subacui, al aprofondirà i aspiets leâts aes aghis internis, ven a stâi flums e lâts. In particolâr ae tutele archeologjiche, aes manutenzions dal paisaç fluviâl, aes proceduris di vincul intes aghis internis e al rapuart cui ents locâi. (A.I.) – 07.09.2022