Terorisim in Mozambic: in salf i doi missionaris furlans

Doi furlans missionaris a son scjampâts a un atac teroristic, martars di sere, intal Nord dal Mozambic, dentri di une mission diocesane inte citât di Chipene. Par tantis oris no jerin notiziis su la sorte di pre Loris Vignandel, za plevan di Cjons, e pre Lorenzo Barro, za plevan di Davian, retôr dal seminari e cumò vicjari gjenerâl di Chipene. Il Centri missionari di Concuardie e Pordenon al à confermât cuntun post su Facebook che i doi predis a son rivâts a scjampâ dilunc dal assalt de mission, dulà che invezit e je stade copade une missionarie comboniane de diocesi di Vittorio Veneto. Tal mês di Lui, la mission e je stade visitade ancje dal Vescul di Pordenon, Bonsignôr Josef Pelegrins, che al veve puartât supuart e jutoris. (A.I.) – 08.09.2022