A Cjasarse, vierte di gnûf la ‘Scuele Pasolini’

A son 29, students universitaris, laureâts o dotorants di diviersis universitâts di Italie e di paîs forescj, i partecipants ae 5e edizion de Scuele Pasolini di Cjasarse, che fin a sabide ai 10 a frecuentin lis lezions, i seminaris e i laboratoris ufierts dal program de iniziative, un dai apontaments internazionâi plui prestigjôs di alte formazion in onôr di Pasolini. Intal an dal centenari, i curadôrs de Scuele a àn sielt il teme “Pasolini e la culture europeane”. Lis lezions, che si tegnin intal Ridot dal Teatri Pasolini di Cjasarse, a son curadis di docents di alt nivel academic. La novitât di chest an e je l’inseriment di un seminari viert al public. (A.I.) – 08.09.2022