Gnove rassegne di ‘dialic e concierts’ inte citât di Udin a firme Associazione musicisti Tre Venezie: si clame ‘Solo musica (Dome musiche) e e viodarà ogni joibe un conciert intal dopomisdì sul tart intun bar cu la marche Adoro Cafè. Si partìs joibe ai 15 aes 6 e 30 dopomisdì in place Venerio cun la violonceliste ongjarese Andrea Bitaj, che e sunarà sôs composizions e tocs tradizionâi de sô tiere, e il liutâr Marco Montina, che al contarà storiis dai struments. Siet dîs dopo, tal Adoro Cafè di p.le Montalcini, blues e jazz cun Barbara Errico e Andrea Castiglione, ospit il ghitarist Tony Longheu. Ultin apontament il 29, di gnûf in place Venerio, cul duet jazz Luca Dal Sacco & Matteo Mosolo: ducj i incuintris a saran condots di Rocco Burtone, cun intervents cence preavîs di Giovanni Tomai e Lucia Burello. (A.I.) – 14.09.2022
Peraulis e concierts intai bars di Udin
137