189
Al è di cirche 900 euros il botin de rapine fate îr di sere, in orari di sierade, intal pont vendite Coop di vie Udine, a Maian.
Un bandît solitari a muse cuvierte e in aparence no armât al è jentrât e, tabajant a une cassiere, si è fat consegnâ i bêçs, pronunziant pocjis peraulis cence tradî nissune inflession dialetâl.
La femine, 49 agns di Sant Denêl, e à fat ce che al ordenave il delincuent. Il rapinadôr al à cjapât i bêçs e al è scjampât. Sul puest a son rivâts i Carabinîrs che a àn inviât daurman lis investigazions. In chestis oris a vegnin visionâts ancje i filmâts des telecjamaris ativis al esterni e dentri dai locâi. (ADG) – 14.09.2022
