Il gnûf “Treccani” cuintri lis discriminazions in anteprime a Pordenon

Anteprime de gnove edizion dal Vocabolario Treccani, vinars ai 16 di Setembar ae 23e edizion di “Pordenonelegge”. Componût di trê volums, al sarà presentât ae Fieste dal libri dai diretôrs de opare, Valeria Della Valle e Giuseppe Patota, aes 11.30 di matine al Capitol. Tantis lis novitâts dal gnûf Treccani, ciertis inovativis e fintremai rivoluzionariis a pet des edizions precedentis, parcè dreçadis a contrastâ la discriminazion di gjenar mediade dal lengaç. Fra chestis, par esempli, la eliminazion sistematiche dai cussì clamâts “stereotips di gjenar”. Tancj ancje i neologjisims: a son stâts acetâts chei jentrâts in efiets intal ûs o parcè che a son impuartants pe culture o testemonis de contemporaneitât, tant che COVID-19, DAD, distanziamento sociale, infodemia, lavoro agile, lockdown, reddito di cittadinanza, rider, smart working, termoscanner, terrapiattismo, transfobia. (A.I.) – 15.09.2022