In curt il dopleament des telecjamaris in Borc Stazion a Udin

L’assessôr ae Sigurece dal Comun di Udin, Alessandro Ciani, al à anunziât che a son scomençâts vuê intal Cuartîr des Magnoliis i lavôrs par meti jù la fibre otiche, funzionâl ae instalazion di plui di sessante gnovis telecjamaris finanziadis par 170mila euros de Regjon, che e permetarà di dopleâ il sisteme di videocontrol. “Chest gjenar di strumentazion – al à sclarît Ciriani – al è daûr a dimostrâ in maniere clare la sô eficacitât ancje par ce che al rivuarde la prevenzion, tignût cont dal efiet di dissuasion che e prodûs. Ma chest miorament de situazion nol à di sburtânus a sbassâ la vuardie; chê cuintri la criminalitât e je une bataie che e va combatude ogni dì cun plui intensitât e cun mieçs simpri plui zovevui”. (ADG) – 19.09.2022