Muart l’om sparît a Montreâl

Al è stât cjatât cence vite, cheste matine Valerio De Biasio, l’om di 67 agns che îr nol jere jentrât dopo une escursion a Montreâl.
Dopo l’alarme, si jere ativade daurman la machine dai socors: a son jentrâts in azion l’elicotar de Protezion Civîl dal Fvj, il Socors alpin di Manià e dal Venit, i pompîrs, i carabinîrs, la Vuardie di finance, ancje cuntun elicotar speciâl di Bolzan, che al dopre un sisteme di rilevament pai aparâts eletronics, di là des unitâts cinofilis e a int dal puest.
Cheste matine e jere stade ativade ancje la Unitât drons de Protezion Civîl. (ADG) – 20.09.2022