Îr dopomisdì, i agjents de Polizie di Stât de Cuesture di Udin a son intervignûts par trê tentatîfs di imbroi telefonic, par fortune no lâts a bon fin.
Trê sioris – di 89, 90 e 97 agns, residents a Udin – a son stadis clamadis sul telefon di une femine che e declarave di jessi la fie, inmalade in maniere serie e ricoverade in ospedâl, e che e coventave daurman di vê bêçs par pajâ curis cjaris, o al limit di zoiis di podê rivendi. Par fortune in ducj i trê i câs lis anzianis, non vint ricognossûde la vôs a chel altri cjâf dal telefon, a àn fermât daurman la comunicazion. I poliziots a son daûr a indagâ par individuâ i responsabii. (ADG) – 20.09.2022
Trufatôrs in azion al telefon, ma a Udin trê anzianis no colin inte trapule
132