La polizie stradâl e à blocât doi laris di auto di gruesse cilindrade prime che a podessin passâ il confin. L’operazion inte matine di sabide, cuant che a son stadis fermadis dôs machines di gruesse cilindrade di proprietât di une societât di nauli. I agjents di Damâr e Palme, metûts in suspiet dal fat che i vuidadôrs a jerin doi conducents forescj no residents in Italie che a mostravin un contrat di nauli in aparence no regolâr, a àn fat aciertaments scuvierzint che i veicui a jerin ogjet di ricercjis pal reât di apropriazion ilegjitime.
Di fat lis dôs machinis di imatricolazion resinte, une Jaguar model F-Type e une Mercedes GLC, a jerin stadis cjoltis a nauli ma no jerin stadis paiadis e nancje tornadis.
Denunziâts i doi conducents par ricetazion. Lis dôs autoveturis dal valôr di 100 mil e 80 mil euros a son stadis secuestradis.
Vie pe gnot di domenie, invezit, dilunc di un control sul A4 su un autotraspuartadôr forest inte aree di servizi di Gonârs, al è saltât fûr che l’autist dal Est Europe al veve di scontâ un periodi di reclusion in preson. Al tiermin dai aciertaments l’om al è stât puartât inte preson di Udin. (ADG) – 21.09.2022
Cjapâts de Polizie stradâl doi laris di auto di lus direts viers il confin
141