Presentât a Triest il gnûf Portâl Cantîrs (Po.Ca.) dal Friûl Vignesie Julie, implementât de Regjon e di Insiel.
“Il portâl al è un strument inovatîf – al à dit Riccardo Riccardi, vicegovernadôr cun deleghe ae Salût – che al miore lis prestazions de aministrazion publiche, al rindt plui facil il lavôr dai citadins inte produzion de documentazion che a covente e, ce che al è plui impuartant, al potenzie i mecanisims di vigjilance e di prevenzion leâts ai cantîrs e duncje ae vite des personis. Al è un passaç une vore impuartant e o vin di dî graciis ai Servizis di prevenzion des Aziendis sanitariis e dutis i ents coinvolts che si son dedicâts cun grant entusiasim a chest progjet”.
Intal visâsi che la sigurece sul lavôr e je une materie tant complesse, l’esponent de Zonte regjonâl al à marcât che chest supuart tecnologjic nol servirà dome ae spedizion des pratichis. Chest strument al risultarà di fat bon par otignî lis informazions necessariis par valutâ i standard di sigurece dai cantîrs, calcolant ancje la scjale di pericul e individuant lis misuris in stât di controlâ al miôr i intervents in fase di realizazion. (ADG) -21.09.2022
Il gnûf portâl cantîrs al miorarà la sigurece sul lavôr
175