La evoluzion des societâts umanis e je leade a strent ae disponibilitât di materiis primis. Chest teme trasversâl e transfrontalîr al sarà contât inte mostre “Tesaurs de Tiere – Storiis di oms e minieris”, inmaneade a Palaç Frisacco a Tumieç,: trasversâl, parcè che e met adun gjeologjie e archeologjie, e transfrontalîr, parcè che lis risorsis minerariis e i stes minadôrs dispès a varcavin i confins nazionâi.
La inaugurazion de mostre, cun visite vuidade compagnâts dai curadôrs, si tignarà sabide ai 24 di Setembar aes 6 di sere parie cu la mostre “Canin, memoria di climi antichi”, curade de Società Meteorologica Alpino-Adriatica in colaborazion cul Parc Naturâl Prealps Juliis, e ospitade a sô volte a Palaç Frisacco.
La esposizion, a jentrade libare, e restarà vierte fin a domenie ai 13 di Novembar dal 2022. Lis scueladis a podaran prenotâ une visite didatiche gratuite contatant il Geoparco (0433 487726) o CarniaMusei (0433 487779). (ADG) – 21.09.2022
