I cjistiei dal Friûl a tornin a vierzi al public

Sabide al 1n e domenie ai 2 di Otubar al torne “Castelli aperti”, la 38e edizion dal apontament plui spietât par scuvierzi il Friûl-Vignesie Julie traviers cjistiei, cjasis e zardins privâts e publics, sierâts di norme al public. A son 19 (14 in provincie di Udin) lis cjasis che a vierzaran lis puartis in graciis dal lavôr dal Consorzi pe Difese dai Cjistiei Storics dal Friûl-Vignesie Julie, cun doi novitâts: Villa Ottelio Savorgnan a Ariis, di proprietât dal Comun di Rivignan Teôr, che e vierzarà i magazens dal sâl, e il Cjiscjel Valentinis di Tresesin, di proprietât de Diocesi di Udin, dât in gjestion al comun di Tresesin. Dilunc des visitis, al è pussibil scuvierzi i detais plui interessants de storie di ogni cjistiel: a fâ di vuide a son i stes cjastelans. (A.I.) – 26.09.2022