Femine incinte feride intun scuintri frontâl a Lignan

Dopomisdì di vuê, pôc prime des 3 e 20, la centrâl Sores (Struttura operativa regionale emergenza sanitaria del Fvg) e à coordenât un socors dopo di un incident stradâl sucedût a Lignan, in vie Casa Bianca.
Dôs veturis si son dadis cuintri in maniere frontâl e trê personis a son restadis cjapadis intal scuintri. Tra chestis une femine in stât di gravidance al setim mês.
Sul puest a son intervignûts la ambulance che e vignive di Tisane e l’elisocors. La femine e je stade traspuartade in elicotar al ospedâl Sante Marie de Misericordie di Udin in cundizions gravis, ma no in pericul di vite. Nissune consecuence par chês altris dôs personis coinvoltis intal incident. (ADG) – 27.09.2022