221
Cuatri personis a son restadis feridis cheste matine, intor aes 9 e mieze, intune carambule fra trê auto dilunc de Tangjenziâl Est di Udin, in direzion Paulêt, intal teritori di Tavagnà.
I mieçs coinvolts – dutis utilitariis – dopo la serie di scuintris a son finîts sul cei de strade o su la cjarezade.
Ae origjin dal maxi-incident e sarès une invasion di corsie di un dai autos coinvolts. Sul puest i sanitaris, i Pompîrs e la Polizie locâl, che e à gjestît la viabilitât e i rilêfs. Nissune des personis feridis e je in cundizions gravis. Inevitabii, invezit, i discomuts ae viabilitât. (ADG) – 28.09.2022
