Teatri cun ‘gnotolade’ al ripâr Gilberti

Un spetacul teatrâl passant la gnot al ripâr Gilberti, inte suaze de rassegne “Montagna, che spettacolo!”. Sabide al 1ndi Otubar, intun palc dal dut origjinâl, e sarà presentade une serade in ‘zâl’ par cure di Anà-Thema Teatro: un dai lôr classics, “Cena con delitto”, che al promet une gnot di misteri passade par decifrâ un delit in aparence inesplicabil… Par rivâ al ripâr, l’apontament al è aes 6 di sere ae partence de teleferiche (si domande la massime puntualitât). Si torne indaûr domenie di matine aes 10. Intal presit dal spetacul a sondentri ancje la cene, la gnot e la prime gulizion. Iscrizion dentri di vinars ai 30, informazions a: segreteria@alpinafriulana.it. (A.I.) – 29.09.2022