Sabide al 1n di Otubar a Udin, intal zardin di Palaç Morpurgo e, in câs di brut timp, al teatri San Giorgio, tacant aes 6 dopomisdì, si scree la seconde stagjon dal Teatri Stabil Furlan, l’ent professionâl di produzion teatrâl in marilenghe che al promôf la culture e la lenghe furlane su la sene cun colaborazions di significât. Sul palc, a jentrade libare fin a esauriment dai puescj, “La Morteane / part dal Fantat”, une opare di Pasolini mai presentade prime, che e à cjatât gnove vite in graciis di une intuizion dal diretôr artistic dal Tsf, e ancje diretôr dal spetacul Massimo Somaglino. Il lavôr, prodot de compagnie di danze contemporanie Arearea in colaborazion cul Comun di Cjasarse, al presente di fat une comedie mai rapresentade, scrite dal poete intai siei agns a Cjasarse pe piçule compagnie de Academiuta. (A.I.) – 29.09.2022
Un Pasolini ‘gnûf’ cul Teatri Stabil Furlan
177