La atenzion al ambient e la ‘politiche verde’ de societât Udinese Calcio a continuin a cjatâ rispueste sui palcs internazionâi. Il club al à partecipât, inte suaze dal World Football Summit, une cunvigne di rilevance mondiâl, a un grup di lavôr incentrât sui prossims pas par fâ il mont dal balon simpri plui ecosostignibil. Une partecipazion prestigjose par tornâ a afermâ la centralitât di un valôr, chel de ecosostignibilitât, centrâl pal Udin. A Sivilie, Magda Pozzo e à ilustrât lis tantis ativitâts e i progjets puartâts indenant a pro dal ambient: l’Udin al à inviât di timp une politiche ‘vert’ interne, sensibilizant i propris tesserâts e dipendents sul teme cun la partecipazion, tra i prins club talians, al program des Nazions Unidis “Sport for Climate Action”. (A.I.) – 29.09.2022
L’Udin in vore par un balon plui ecologjic
165