Fieste di complean par Altan cuntune mostre a Pordenon

La 14e edizion di “Sentieri illustrati”, la esposizion anuâl in teme di ilustrazion pe infanzie, e je dedicade al colorât mont di Altan, il grant dissegnadôr talian che di timp al è a stâ a Aquilee e propit vinars ai 30 al fâs fieste par i siei 80 agns. Ai 8 di Otubar, intal Auditorium Lino Zanussi de Cjase dal Student di Pordenon, inaugurazion de mostre promovude dal Centro Iniziative Culturali Pordenone “Francesco Tullio Altan, Pimpa e i suoi amici”. Aes 5 dopomisdì il gjeniâl dissegnadôr al cjatarà zovinis e zovins letoris e letôrs. La mostre, intai spazis de Galarie Sagittaria, la numar 485 promovude dal CICP, si pues visitâ fin ai 27 di Novembar cun jentrade libare. (A.I.) – 29.09.2022