E va indevant la bugade di brut timp che e sta batind il Fvj: cjapât, intal prin dopomisdì, il teritori di Prepot. Fuartis ploies a àn causât inagaments in tantes stradis e intes cantines di cualchi cjase. E son stâts ancje cierts slacs.
La Sale operative regjonâl de Protezion civîl di Palme e à alertât, a supuart dai volontaris comunâi, ancje lis scuadris dal Distret Vâl Tor, Val Nadison e Manzanin. Sul puest in vore ancje lis Vuardiis dal Fûc. Fintremai che les aghis no laran vie, si disconsee di passâ la strade che di Prepot al condûs a Cividât inte zone clamade ‘ Polonetto’ .
Inagaments a son segnalâts ancje dilunc de strade de Bucovize e inte zone di Cjasâi Quecig. Le sindiche Mariaclara Forti e invide ae massime prudence.
Ancje la gnot tra joibe e vinars e je stade impegnative pai volontaris de Protezion civîl di diviersis scuadris comunâls par vie dal brut timp. Dutis lis ativitâts a son stadis fatis in coordenament cui Pompîrs. (ADG) – 30.09.2022
Brut timp: inagaments in mieç Friûl
176