Esordi positîf par dutis dôs lis scuadris furlanis che chest an a zuin intal campionât di serie A2 di bale tal zei. Sabide di sere, al PalaGesteco, devant di 1300 personis a Cividât, cuntune maiute celebrative cui colôrs de citât – tal puest di chê cul zâl e blu de bandiere furlane – la Ueb Gesteco e à vinçût la sô prime partide in assolût inte seconde serie nazionâl. Risultât finâl: 81 a 78 cuintri il Caffè Mokambo Chieti, al tiermin di une gare di tante soference, ma cul risultât meretât. Domenie dopomisdì in trasfierte in Emilie, invezit, la Apu Udine Old Wild West e à batût 75-59 i parons di cjase dal Basket Ferrara, intune gare in pratiche cence storie. (A.I.) – 03.10.2022
Bale tal zei: i furlans in A2 a scomencin cuntune vitorie
247