Cinc dîs par mostrâ “cûr” a Çarvignan

Un program cun tancj incuintris, presentazions di libris, spetacui teatrâi, concierts e mostris ospitâts al Teatri Pasolini, ae Cjase de musiche, in Biblioteche e intal “Zardin dai dirits” pe 5e edizion dal “Festival del coraggio”, in program a Çarvignan dai 5 ai 9 di Otubar. Inmaneade cu la direzion artistiche e coorganizazion de associazion culturâl Bottega Errante, la rassegne e ospitarà ancje il psichiatri Paolo Crepet, il scritôr Paolo Rumiz, il critic musicâl Gino Castaldo e la responsabile de comunicazion di Emergency, Simonetta Gola. Tantis lis iniziativis colaterâls tant che lis “Vetrinis coragjosis” di 24 buteghis che a ospitaran lis gjigantografiis dai ospits des edizions passadis dal festival e a risiervaran une part ai lavôrs dai fruts des scuelis primariis de citât, ducj dedicâts al coraç. (A.I.) – 05.10.2022