Procès cuintri la Bancje Popolâr: penis smiezadis pai vertiçs

Inte aule bunker di Mestre, la Corte di Appello di Vignesie e à smiezât in pratiche lis penis pai ex vertiçs de Popolare di Vicenza intal procès di apelazion pal crac de bancje. L’ex president Giovanni Zonin al scugnarà cumò scontâ trê agns e 11 mês (in prin grât al jere stât condanât a sîs agns e sîs mês di reclusion). Stesse pene ancje pai ex vicediretôrs Andrea Piazzetta e Paolo Marin. La decision dai judiçs e ten cont de prescrizion che e à scancelât cierts reâts. A son ancjemò miârs, ancje in regjon, i sparagnadôrs che no àn ancjemò sierât i conts cu la Popolare di Vicenza e, anzit, a riscjin di paiâ dôs voltis. (A.I.) – 11.10.2022