Al disè di ‘no’ al Udin: al è za ‘a cjase’

E je durade pôc la aventure di Gabriele Cioffi a Verone. La societât Hellas e à uficializât la esonerazion dal ex alenadôr dal Udin cuntun curt comunicât e i solits ringraciaments. La sô esperience in blu e zâl si siere dopo 9 garis là che al à totalizât 1 vitorie, 2 patis e 6 disfatis. Al lasse la scuadre cun 5 ponts e il tierçultin puest in classifiche. Il 23 di Mai al veve fat sensazion l’anunzi che nol varès puartât indevant la sô aventure cun l’Udin, dulà che al veve cjapât la volte – cun bogns risultâts – dal prin alenadôr Luca Gottti, vuê al Spezia. (A.I.) – 11.10.2022