227
Il personâl de Cuesture di Udin al à notificât vuê, al titulâr di un ristorant dal centri citât, un citadin afghan, la sospension de ativitât par 30 dîs.
I agjents, dilunc dai controi fats intes seradis ai 13 e ai 16 di Otubar, a àn identificât une vore di clients cun precedents di polizie, cjatant ancje iregolaritâts pe sigurece dai ambients di lavôr (no jere stade fate la revision periodiche dai estintôrs) e intes certificazions su la formazion dai dipendents.
Al gjestôr al è stât notificât il proviodiment di sospension imediade de licence di soministrazion di aliments e bevandis, firmât dal Cuestôr Alfredo D’Agostino. (ADG) – 18.10.2022
