Jazz & Wine, musiche e cercis di dut il mont

Tierce zornade di Jazz & Wine of Peace, vinars ai 21. Il festival al tache aes 11 di matine inte Badie di Rosacis cun “Santuario”, il viaç musicâl jenfri Europe e Americhe dal saxofonist argjentin Javier Girotto e dal armonicist Vince Abbracciante. Aes 3 dopomisdì, Vile Codelli a Mosse e ospite il conciert dal tercet dal saxofonist e polistrumentist Gabriele Mitelli, aes 6 a Vile Attems di Lucinîs al rive il tercet american Thumbscrew. La zornade si siere aes 9.30 di sere, intal Teatri di Cormòns, cun doi dai massims esponents de gnove sene inglese dal jazz, Binker & Moses. A Cormòns e tai contors al continue ancje Jazz & Taste, il “festival intal festival”, tra cercis di vin in cantine e imbinadis cun tocs musicâi. (A.I.) – 20.10.2022