Balon e bale tal zei: une domenie di dismenteâ

Une fin de setemane dute negative pes principâls scuadris furlanis impegnadis intai campionâts di balon e di bale tal zei. L’Udin alenât di Sottil al à fermât une serie positive di 9 risultâts pierdint in cjase par 1-2 cuintri un Turin ‘operari’, che al à zuiât soredut in cuintripît. Dopo la disfate di no crodi in Cope Italie cul Monza, a pene 4 dîs prime, un altri risultât inspietât. In serie C e je lade mâl ancje al Pordenon, batût in cjase 0-1 dal FeralpiSalò. Nuie di bon nancje pes scuadris di bale tal zei: la Apu Udine e veve za pierdût in cjase sabide di sere al ultin secont, 69-72, e domenie ancje Cividât e je tornade de trasfierte di Pistoia cuntune penze disfate: 80-61. E dut câs, ancje a Triest no je lade miôr, viodût che lis disfatis sedi intal balon che intal basket a àn contribuît a une domenie negative al 100%. (A.I.) – 24.10.2022