Visite vuidade ae mostre di Dora Bassi

Miercus ai 26 aes 6 dopomisdì, ae Galarie Spazzapan di Gardiscje, si tignarà une visite vuidade a gratis ae mostre “Dora Bassi. Immagini e parole”, cun la curadore Cristina Feresin. E sarà une panoramiche traviers lis oparis e lis peraulis de artiste, une conte par imagjins dal so amôr e impegn pe art, la peraule, la vite. Traviers lis oparis espostis, nassudis tra la fin dai agns Otante e la metât dai agns Nonante, al ven sotlineât l’aspiet centrâl dal so lavôr: la dualitât di imagjin e peraule, la piture e la scriture che si instrecin e a deventin memorie. (A.I.) – 25.10.2022