Tragjedie, îr di sere, intor aes 21.30, a San Martin dal Tiliment, dulà che Matteo Moro, 26 agns, resident a Cjasarse, al è muart par vie di un incident.
Il zovin al stave lant cu la sô bici dilunc de ex provinciâl 1 cuant che al è stât cjapat sot di une Ford Focus, vuidade di un fantat talian di 20 agns resident intal Friûl Ocidentâl, ripuartant feridis gravis. La clamade di jutoi e je stade fate daurman e la centrâl Sores e à mandât daurman une ambulance e une machine di emergjence mediche, intune cul elisocors. Il personâl dal 118 al à tentât, par cuasi une ore, di rianimâ Moro, ma dutis lis manovris si son pandudis, magari cussì no, dibant.
Nol è restât altri di fâ se no declarâ la muart dal om: masse grâfs lis feridis ripuartais par vie dal impat.
Des primis ricostruzions dai Carabinîrs al risultarès che l’om, suntune bici cence lûs e rifrangent, al pedalave dilunc de ex provinciâl in direzion Sant Martin – Cjasarse cuant che al è stât cjapât sot de machine, che e lave de stesse bande. (ADG) – 25.10.2022
