In spiete di discuvierzi i detais dal gnûf program di Suns Europe 2022, il festival des arts in lenghe minorizade inmaneât de cooperative Informazione Friulana, editore di Radio Onde Furlane, e je scomençade la prevendite dai biliets (10 euros) pal moment plui spietât: il concierton finâl, in program par sabide ai 26 di Novembar a tacâ des 9 di sere intal Teatri Gnûf “Giovanni da Udine”. I biliets si ju pues comprâ alì de bilietarie dal Teatri (di martars a sabide des 4 daspò misdì aes 7 di sere) o ben dal sît www.vivaticket.it. Suns Europe al è il festival european des arts performativis in lenghe minorizade nassût intal 2009 in Friûl, cûr multilengâl de Europe: un lûc di incuintri e di scambi tra artiscj di grups linguistics minoritaris dal continent. (A.I.) – 27.10.2022
“Suns Europe” al è pront pal concierton finâl
174