Scosse di taramot cun epicentri a Torean

L’Orcolàt al è tornât inte sere dai Sants a tornâ a dismovi antighis pôris. Aes 9.17 sot sere, l’Ogs di Triest al à regjistrât une scosse di taramot di 2.9 grâts, cun epicentri a doi chilometris a Nord-Nord Ovest di Torean, a une profonditât di 2 chilometris. Cundut che la scjassade e je stade curte, il moviment al è stât avertît a clâr de popolazion, no dome inte zone di Cividât, ma fin al Manzanês e a Udin, ma par fortune no son stâts segnalâts dams a personis o a robis. (A.I.) – 02.11.2022