Vinars ai 4 di Novembar, il dì de unitât di Italie e la fieste des fuarcis armadis, ancje in Friûl Vignesie Julie a son previodudis tantis cerimoniis. Come simpri, la zornade e varà tant che moment centrâl la cerimonie al Sacrari militâr di Redipulie, tacant des 11 di matine, in presince des autoritâts, cun la prime partecipazion dal gnûf President dal Senât, Ignazio La Russa. A Udin, puartis viertis ae Caserme Di Prampero, sede dal Comant de Brigata alpina Julia, dulà che al sarà pussibil visitâ lis salis dai cimelis. In ocasion des celebrazions, il Prefet Massimo Marchesiello al consegnarà lis onorificencis dal ordin al merit de Republiche Taliane. (A.I.) – 03.11.2022
La prime volte dal president La Russa a Redipulie
237