I familiârs di 21 vitimis dai crimins nazifassiscj a domandaran un risarciment par ce che al è sucedût ai lôr cjârs intal 1944. A tratâ lis causis al sarà l’avocat udinês Andrea Sandra, su solecitazion dal Comun di Paluce e de Anpi.
I procediments a son partîts in graciis di une leç dal passât Avrîl, che e à istituît un fonts di 60 milions di euros pal risarciment dai crimins fats cuintri citadins talians des fuarcis di ocupazion todescjis tra al 1 di Setembar dal 1939 e ai 8 di Mai dal 1945 cuntune dotazion di 20 milions di euros pal 2023 e di 11 milions e 808 mil euros par ognidun dai agns dal 2024 al 2026.
Tra lis 21 personis che al starà daûr l’avocat Sandra, 15 a son stadis copadis tra il 21 e ai 22 di Lui dal 1944, inte stragje di Paluce. (ADG) – 8.11.2022
Domande di risarciment pe copadice nazifassiste di Paluce
166