Musiche jazz in favôr de “Biblioteche di Sara”

Apontament speciâl par “Il volo del jazz”, la rassegne che il circul Controtempo al organize a Sacîl e che fintremai ai 3 di Dicembar e puartarà al teatri Zancanaro i nons di ponte de sene jazzistiche mondiâl, dant ancje spazi ai miôr talents emergjents dal teritori. Joibe ai 10, aes 8.30 di sere, Palazzo Ragazzoni al ospitarà il progjet Sime Funk Punk di Luca Dal Sacco ae ghitare eletriche, insiemi a Matteo Mosolo al bas eletric e a Carlo Amendola ae batarie. La jentrade e sarà a ufierte libare, parcè che il rigjâf de serade al sarà destinât a La Biblioteca di Sara, il progjet nassût in memorie di Sara Moranduzzo, operadore culturâl di Pordenon, mancjade prin de ore intal 2012. (A.I.) – 09.11.2022