Ae sinagoghe di Triest une scrite antisemite

Une scrite antisemite e je vignude fûr di gnot jenfri miercus e joibe te façade de sinagoghe di Triest. Lis peraulis “Gli ebrei sono i novi razzisti e fascisti” a son stadis fatis cun vernîs nere jenfri lis puartis di acès al templi, in via Donizetti. La azion e je stade fate juste a 84 agns de “Notte dei cristalli”, che tra il 9 e ai 10 di Novembar dal 1938 e à regjistrât l’atac fisic e indiscriminât cuintri i ebreus todescs inte Gjermanie naziste. La Digos e indaghe par identificâ i autôrs dal at, analizant ancje lis imagjins des telecjamaris de zone. (A.I.) – 10.11.2022