Dodis medaiis pe scuadre di gjinastiche feminine

Plaçaments otims pes gjinastis de artistiche feminine de Associazione Sportiva Udine, che intai dîs passâts a son stadis impegnadis intal Campionât regjonâl individuâl “Silver”, propit inte sede de Asu. Cun siet aurs, doi arints e trê bronçs, i tecnics Elena Zaldívar Sáez, Anna Di Filippis e Davide Vigna a àn pandût di jessi “contents pai risultâts rivâts. Lis fantatis a àn savût gjestî al miôr la gare, ancje se a son stadis ciertis imperfezions”. L’obietîf cumò al è rivâ ai prossims apontaments, in particolâr la finâl nazionâl Rimini Winter, “prontis e motivadis”. (A.I.) – 10.11.2022