Un zovin di Buie al torne a progjetâ inte so Tesi di lauree un component di precision pe siderurgjie

Cu la sô tesi di lauree al à tornât a progjetâ un component mecanic di precision par un strument di misure siderurgjic dal Grup Danieli, leader mondiâl inte realizazion di implants siderurgjics. Al è Giulio Molinaro, di Buie, neodotôr trienâl in Inzegnarie mecaniche dal Dipartiment politecnic di inzegnarie e architeture de Universitât di Udin. Molinaro al à vût tant che relatôr de tesi Marco Sortino coadiuvât dal corelatôr Emanuele Vaglio e supuartât dal team Digi&Met coordenât di Alberto Giacomini di Danieli Automation. (ADG) -10.11.2022