Un premi ae astrofisiche Claudia Maraston

Al è stât assegnât a Claudia Maraston, astrofisiche di Pordenon, di pôc ricognossude tra i mil fisics plui impuartants dal mont – riferiment pe comunitât sientifiche mondiâl cu lis sôs plui di 200 publicazions – il Premi “Donna Maior 2022”. Il ricognossiment dal Soroptimist International Club di Pordenon al è dedicât ogni doi agns a une personalitât feminine dal teritori che cun costance, lavôr e cualitât si è distinte in cualsisedi cjamp de ativitât umane.  Il premi al sarà consegnât sabide ai 12 di Novembar, aes 10.30 di matine, intal auditorium dal Istitût “Vendramini” di Pordenon.  (A.I.) – 10.11.2022