Autovie Venete e à inviât intal dopomisdì di îr, dutis lis proceduris di leç par segnalâ al garant pe protezion dai dâts personâi cierts discomuts cjatâts tacant de matinade di miercus ai 9 di Novembar sui sistemis informatics de Societât. Si son, di fat, verificadis problematichis tecnichis ancjemò ogjet di investigazion sui sistemis aziendâi. Lis analisis a cirin di scuvierzi elements che a podaressin ricondusi a un atac pirate.
I esperts a lavorin par risolvi i problemis sui sistemis informatics. Tacant de matinade di îr al è stât blocât, par precauzion, l’acès aes postazions utents e diviers aplicatîfs aziendâi.
No si segnalin pal moment disservizis sui implants informatics di esazion e mude de rêt autostradâl, telefonics e de Sale Radio, che a continuin a lavorâ. (ADG) – 11.11.2022
Atac suspiet dai piratis informatics cuintri Autovie Venete
150