A Buri si presente un gnûf progjet pal disvilup sostignibil

Ogni crisi e pues rapresentâ une ocasion di rinassite, di evoluzion. Passât il timp plui neri de pandemie, al è cumò il moment di cjapâ lis oportunitâts che a son daûr a vierzisi pes comunitâts locâls: finanziaments impuartants, progjets, condivision di percors. In cheste otiche e nas “Tini e mulini”, un procès partecipatîf inovatîf, promovût de Comunitât dal Friûl Orientâl par disvilupâ strategjiis di disvilup sostignibil, fasint jeve su fonts europeans, nazionâi r regjonâi. In pratiche, i citadins dai comuns di Buri, Remanzâs e Muimans a podaran contribuî, cu lis propriis ideis, par definî une strategjie comune di chi al 2030. L’apel a rispuindi a cheste clamade al è par ducj, soredut i zovins. Il progjet al vignarà presentât ae citadinance di Buri martars ai 15 aes 8.30 di sere inte sale Europa in Municipi. (A.I.) – 14.11.2022