Il ‘68 contât intun libri e cun 21 intervistis

Une stagjon di grandis trasformazions sociâls e culturâls, il ‘68, al è il teme al centri dal incuintri che joibe ai 17 al viodarà protagonist Giampaolo Borghello cul so volum “Intorno al Sessantotto. Voci, luoghi, parole”, publicât dal Istitût furlan pe storie dal moviment di liberazion. Tacant des 5.30 dopomisdì inte ex caserme Osoppo in via Brigata Re, l’autôr al dialogarà cun Antonella Lestani, presidente de ANPI di Udin, Fidalma Garosi Lizzero – “Gianna”, e il videomaker Giorgio Cantoni, che in 21 videointervistis al à dât vôs a personis di diviersis etâts e di diviers orizonts politics. Il ‘68 al ven cussì osservât e sorepensât, no dome dai protagoniscj, ma ancje di presincis singolârs. (A.I.) – 16.11.2022