Il Cuestôr di Udin al à decidût, par motîfs grâfs di ordin e sigurece publiche, la sospension par cuindis dîs de licence di soministrazion e di spetacul public (ativitât danzant) dal Laghetto Alcione, in vie dei Prati, a Udin.
Il proviodiment al è stât notificât vuê al gjestôr dal locâl, dopo la barufe maxi sucedude di gnot ai 30 di Otubar, calcolant i precedents, di rilêf ancje penâl, che a vevin fat za cjpâ doi proviodiments analics di sierade, intal 2017 e intal 2020.
Tal locâl chê sere al jere nome un assegnât ae sigurece, no in regule cu lis normis di implei, parcè che nol jere, iscrit inte liste a pueste prefetizie dai “butefûr”, tant che in fin a son stadis fatis de Cuesture di Udin ancje lis sanzions aministrativis relativis, za notificadis al gjestôr e al assegnât iregolâr. (ADG) – 16.11.2022
