Cheste matine il sindic di Udin Pietro Fontanini, acompagnât dal vicesindic e assessôr ai Lavôrs publics Loris Michelini e dal assessôr al Belanç Francesca Laudicina, al à fat un sorelûc in chê che e deventarà la gnove Cjase des associazions e che e je stade ristruturade inte suaze dal progjet di ricualificazion de ex caserme Osôf.
“In chest edifici o volìn sistemâ lis associazions che cumò ur dan acet scuelis che a àn di jessi ristruturadis”, al à sclarît il sindic. “Calcolant che devant al è un edifici là che a àn sede realtâts impuartantis come la Anpi e la Società Alpina Friulana e che ancje l’edifici dongje al sarà sistemât e al sarà doprât te stesse maniere, o podìn dî che o fasarìn pardabon un pôl citadin dal associazionisim. La aree di fat e sarà destinade ancje al sport, ai moments leâts ae socialitât, ae agregazion e ae dimension abitative”. (ADG) – 17.11.2022
