La Zonte regjonâl e à aprovât la delibare che e previôt la soministrazion des vacinis pal Covid-19 e pe influence inte stagjon 2022/2023 in maniere direte in farmacie; la delibare e rive in graciis di un acuardi tra Regjon, Federfarma Fvg e associazions rapresentants lis farmaciis dal teritori e a da la pussibilitât di vacinâsi cun comut inte farmacie dongje cjase, sedi a subiets che la vacine e je ufierte a gratis – pe vacine antinfluençâl duncje over 60 e adults cun plui di 18 agns, tocjâts di patologjiis a pericul di complicazions – sedi a cui che al vûl in maniere volontarie vê la vacine.
Lis soministrazions a scomençaran intes farmaciis che, dopo une sperimentazion curte, si ufriran par sigurâ chest gnûf servizi. “Aromai o sin pronts a partî, come simpri cun grant spirt di servizi: tant che farmaciscj o sarìn part ative intal sensibilizâ i citadins su la impuartance de vacine, e la pussibilitât di fâle inte farmacie dongje cjase dal sigûr al sarà un element positîf” al è il coment di Luca Degrassi, president Federfarma Fvg. (ADG) – 17.11.2022
