Une vore di ritmi, divertiment e un finâl che al sclopete: chescj a son i ingredients di “Sette spose per sette fratelli”, il musical che al rive al Teatri “Verdi” di Gurize martars ai 22, aes 8.45 di sere, il prin apontament dal cartel ‘Eventi’ de stagjon artistiche 2022/2023. La gnove version, cu la regjie e la coreografie di Luciano Cannito, e puarte in sene la version di un dal musicâl plui amâts dal public, ispirade al cine di Stanley Donen, ma cuntune voglade ai personaçs e aes ambientazions dal mont ironic dai western di Quentin Tarantino. I interpretis a son 22, protagoniscj i atôrs comics Diana De Bufalo e Baz – Marco Bazzoni, la direzion musicâl e je di Peppe Vessicchio. (A.I.) – 21.11.2022
Un musicâl che al fâs ridi tant che i western di Tarantino
176