Pôc prime dal misdì di sabide, un mieç pesant di nazionalitât lituane al è stât viodût di une patulie de Polizia Stradale, che e viazave su la cjarezade Nord de autostrade A/23 Udin-Tarvis, intant che dentri de galarie dal Lât al jere daûr a viazâ a une velocitât superiôr al limit.
I agjents de Polizia stradale di Damâr, dopo vê comandât l’alt, a àn scortât il Tir fin ae jessude dongje di Cjargne, dulà che, dongje dal svincul, a son stâts cjatâts al conducent, un citadin lituan di 55 agns, valôrs alts di alcul intal sanc, risultâts superiôrs di ben dôs voltis il limit di leç (1.12 g/l), ma ai vuidadôrs dai veicui pesants, al è improibît in assolût di vuidâ dopo vê bevût alcol.
Dal control al tachigrafo, i agjents a àn scuviert che il mieç pesant al viazave dentri de galarie, passant il limit di velocitât di ben 24 chilometris oraris. L’om al è stât denunziât par vuide in stât di ebrietât e al à cjapât une multe pesante, cun ritîr de patente di vuide. Il veicul, di proprietât di une societât di autotraspuart ongjarês, al è stât dât a une societât di socors stradâl in spiete de sô restituzion. (ADG) – 21.11.2022
